ჩვენს შესახებ
Popular Posts
-
შენი ლექსების მკითხველი, მგოსანო, მაღლის მთისაო, თბილისის ქუჩებს მივყვები ცრემლები ღვარად მდისაო. მე იმ სიტყვებმა დამკოდეს შენ რომ და...
-
როგორ ვინატრო, მზის სხივებმა აღვიძონ ნარები. როგორ ვინატრო, ბადრაგებმა გამიღონ კარები, როგორ ვინატრო, რომ ფიქრმა ისევ სახლში გამიშვას, რ...
Friday, February 4, 2011
ჩოხელის ფოტო
კაცი, ბატკანს რომ გულზე იხუტებს,
უბრალო კაცი, მოცინართვალება
იმ ბატკნით მალავს გულის სისუსტეს
და სიყვარულით გარდაცვალებას.
ეს ყველაფერი მოთხრობაა და მერე კინო,
მერე – ბზარი ხმაში და თეთრი თითები ჭაღარა თმაში,
რომლებიც სიზმრის ხალიჩას ქსოვენ.
კალამს ბევრი რომ გააბედინო,
ცოტა ხნით ბუხრის თავზე დატოვე,
მერე მთის მდინარის ნაპირზე დადე,
მერე თივის ზვინში დაკარგე და იპოვე,
მერე – თავლაში, მშობიარე ცხენთან,
მერე – პირველკლასელი გოგოგას მერხთან,
მერე – კერიასთან, მერე – ქვევრთან,
მერე – მეფანდურე დედაბერთან
და როცა გულთან მიიტან და გული გეტკინება,
რაღაცა ჩაგწყდება და ყელს მიებჯინება,
აჰა, აიტაცე ეს კრავი, თბილი, უხრწნელი...
და ობიექტივს ააფარე თეთრი ფურცელი...
ინგილო ქალი
Labels:
choxelis foto,
leksi,
leqsi,
ლექსი,
ჩოხელის ფოტო
Subscribe to:
Post Comments (Atom)
No comments:
Post a Comment